Primeira Xornada de Portas Abertas Rotting Pizza

 Ola!

 

Esta pasada fin de semana foi a nosa primeira xornada de portas abertas no local de Rotting Pizza e puidemos disfrutar dunha chea de xogos e demostracións do máis variadas.

 

Dende os universos postapocalípticos do cadraxésimoprimeiro milenio ata as épocas prerrománicas na península ibérica. Xogos de combate, de carreiras ou de rugby. Todo vale para pasar un día agradable e de novas caras.

 

Comezou a xornada de maña coa demo de Kill Team, xogo de escaramuzas baseado no universo de Warhammer 40000, xogo da ben coñecida compañía Games-Workshop que polo xeral teñenos acostumado a xogos de moitas miniaturas en grandes mesas. Desta vez, móstrannos un xogo dun puñado de figuras sobre un escenario de xogo que cabe ata nunha mesa de café. Rápido, cheo de táctica e con moito truco coas liñas de visión. O noso bo amigo Queco mostrou aos presentes os conceptos básicos da mecánica de xogo e a esencia de creación de grupos de combate 💥

Rematamos a mañá falando de moitos xogos, intercambiando opinións e ideas sobre a historia recente dos wargames 🎲

A tarde comezamos co noov xogo de Breogame, que viñeron moi amablemente a mostrarnos a súa nova proposta, Navia. Xogo de carreiras de embarcacións con unha estética e unha dinámica xeniais. Rápido, sinxelo e adictivo ⛵

As dinámicas coas cartas fai que o resultado de cada lance poida ser impredecible. O conxunto fai deste xogo unha opción perfecta para entreter a experimenados xogadores coma nós ou a novatos, incluso de misturalos sen que estes últimos queden moi rezagados coma si pode pasar as veces con outros xogos semellantes.

Rematamos a xornada con un xogo que esperábamos probar con impaciencia, Takkure. Desta vez un dos nosos socios foi quen de traer esta novidade, o noso compañeiro Raghart (que ben pinta!) 😊

Presentounos un xogo de rugby de temática cyberpunk cunha estética xenial. Figuras moi ben conseguidas, regras concisas e unha velocidade no xogo vertixinosa. Ganas de volver a xogar aumentando 🏈

Pasou o día voando, temos que repetir estas xornadas para probar novos xogos, coñecer a máis xente e sacar máis partido das nosas instalacións, que melloran cada día gracias ao tremendo traballo de toda-las socias e socios 😍😍

 

Pronto comezaremos a organiza-la próxima xornada de portas abertas!!