TORNEOS DE CARCASSONNE E CATAN MAIO DE 2023

Temos a enorme ledicia de vos anunciar que o próximo mes de maio terán lugar os torneos de Catán e Carcassonne no Centro Leste da Parda (Pontevedra) 😍. Dous famosísimos xogos da distribuidora Devir. Rotting Pizza e a tenda Percalandia unímonos para organizar este torneo oficial e poñer as dúas datas no calendario pontevedrés.📅 

Neste post contámosche toda a información necesaria para participar! Segue lendo!


Torneo de Catan

O torneo de Catan terá lugar o 7 de maio, a partir das 16:30 no Centro Leste. As prazas están limitadas a 16 e son de balde. Os premios serán vales de 50 € para o primeiro clasificado e de 20 €  para o segundo a trocar na tenda Percalandia. Este torneo abre a posibilidade de competir no torneo nacional de Catan. 

Enlace al formulario de inscripción Catan


Torneo de Carcassonne

O torneo de Carcassonne terá lugar o 14 de maio, a partir das 16:30 no Centro Leste do mesmo xeito que o torneo de Catan. As prazas están limitadas a 16 e tamén son de balde. Os premios serán vales de 50 € para o primeiro clasificado e de 20 € para o segundo a trocar tamén na tenda Percalandia. Este torneo tamén abre a posibilidade de competir no torneo nacional de Carcassonne. 

Enlace al formulario de inscripción Carcassonne

Bases y reglamentos del torneo


Queremos agradecer a tenda Percalandia polo seu apoio na organización destes dous torneos e a Asociación veciñal Pedra do Lagarto por cedernos o espazo no Centro Leste no que poderemos realizar estes torneos nas mellores condicións.

#YesWePlay 🎲🎲🎲

Ubicación: Pontevedra, España

Comentarios

Publicar un comentario

Entradas populares de este blog

Actividades de Rotting Pizza entre febreiro e marzo de 2024

Imagen
  Estas últimos meses a Asociación Lúdica de Pontevedra Rotting Pizza levou a cabo unha chea de actividades na comarca de Pontevedra. Dende actividades de xogos de mesa a obradoiros de teatro e rol, sen deixar de lado o noso amor pola pintura de miniaturas. Estivemos dous días en Marín nos que ofreciamos aos veciños a posibilidade de pasar unha boa tarde de xogos de mesa no Museo Manuel Torres. Tivemos dende xogos de carreiras a trabalinguas, para grandes e pequenos. Fermoso o espazo no que xogamos rodeados dalgunhas das obras pictóricas do artista que da nome ao Museo 🎨 Coma o ano pasado, tamén puidemos levar a cabo o noso obradoiro de pintura de miniaturas dentro das actividades de Noites Abertas. Un nutrido grupo de persoas con ganas de coñecer os fundamentos desta disciplina tan particular na que afondamos no uso das cores e como mesturalas para sacar o máximo proveito sen ter que gastar unha morea de cartos. Tamén houbo quen repetiu coa idea de mellorar a súa técnica. ...
Leer más

ESTATUTOS

 A Asociación Lúdica de Pontevedra Rotting Pizza entra na súa nova idade, agora que por fin somos unha Asociación rexistrada na Xunta de Galicia comezamos unha vida pública na que queremos comezar por mostrarvos os Estatutos e máis adiante o Regulamento interno da Asociación.    ESTATUTOS DA ASOCIACIÓN LÚDICA DE PONTEVEDRA ROTTING PIZZA   CAPÍTULO I DA ASOCIACIÓN EN XERAL      Artigo 1. Denominación e natureza Coa denominación de “Asociación Lúdica de Pontevedra Rotting Pizza”, constitúese unha organización de natureza asociativa e sen ánimo de lucro, ao amparo do disposto no artigo  22 da Constitución Española, na Lei orgánica 1/2002, do 22 de marzo, reguladora do dereito  e asociación e demais lexislación aplicable.      Artigo 2. Personalidade e capacidade A asociación constituída ten personalidade xurídica propia e plena capacidade de obrar, podendo realizar todos aqueles actos que sexan necesarios para o cumprimento da fin...
Leer más

Primeira Xornada de Portas Abertas Rotting Pizza

Imagen
 Ola!   Esta pasada fin de semana foi a nosa primeira xornada de portas abertas no local de Rotting Pizza e puidemos disfrutar dunha chea de xogos e demostracións do máis variadas.   Dende os universos postapocalípticos do cadraxésimoprimeiro milenio ata as épocas prerrománicas na península ibérica. Xogos de combate, de carreiras ou de rugby. Todo vale para pasar un día agradable e de novas caras.   Comezou a xornada de maña coa demo de Kill Team, xogo de escaramuzas baseado no universo de Warhammer 40000, xogo da ben coñecida compañía Games-Workshop que polo xeral teñenos acostumado a xogos de moitas miniaturas en grandes mesas. Desta vez, móstrannos un xogo dun puñado de figuras sobre un escenario de xogo que cabe ata nunha mesa de café. Rápido, cheo de táctica e con moito truco coas liñas de visión. O noso bo amigo Queco mostrou aos presentes os conceptos básicos da mecánica de xogo e a esencia de creación de grupos de combate 💥 Rematamos a mañá falando de moitos...
Leer más